عمرو أديب يقود حملة لجمع عربات اسعاف لقطاع غزة

عمرو أديب يقود حملة لجمع عربات اسعاف لقطاع غزة

نجح الاعلامي عمرو اديب فيما فشل فيه زعماء ومسئولون عرب .

فقد التقط عمرو أديب فكرة جمع عربات اسعاف لانقاذ اهالى غزة من الفنانة المعتزلة حنان ترك من خلال حديثها عبر الهاتف .. وقام بالاعلان الفورى عن جمع التبرعات لشراء هذه السيارات خلال برنامجه " القاهرة اليوم " على قناة اوربيت.

وخلال دقائق انهالت التبرعات على عمرو اديب من المصريين والعرب لشراء 17 عربة اسعاف مجهزة بوحدات عناية مركزة لارسالها الى قطاع غزة للمساعدة فى نقل ضحايا الحرب الشاملة التى تشنها اسرائيل على قطاع غزة .


واعلنت مجموعة منصور وهى مجموعة كبرى تعمل فى مجال السيارات بمبلغ 2مليون جنية .. كما تبرعت مجموعة القصراوى بعربة اسعاف .

وتوالت التبرعات من مصر والدول العربية والاوربية فقامت عائلة قطرية بالتبرع باربع عربات اسعاف .

وتبرع مواطن عربى يعيش فى لندن بعربتان اسعاف وتبرع مواطنين من مصر باكثر من عشر عربات وحتى انتهاء الربنامج وصل عدد عربات الاسعاف المتبرع بها الى مايزيد عن 25 عربة فضلا عن التبرعات المالية .

والخلاصة ان ما قام به عمرو اديب هو قرار انساني وعمل نبيل يستحق عليه الاشادة ويكشف عن افق سياسي واسع للاعلامي الكبير .. برافو عمرو اديب .


وكان عمرو اديب قد استهل حلقة القاهرة اليوم بالدعوة الى التبرع لسكان غزة وقال ان حنان ترك طلبت ان تتحدث الى المشاهدين فى البرنامج فى موضوع هام جدا .


قالت حنان على الهاتف : النهاردة الصبح كان مصرح بدخول اكل وبطاطين لغزة لكنهم قالوا انهم محتاجين بشدة لعربيات اسعاف ،المستشفيات بتنضرب والنور مقطوع وفيه مرضى فى الرعاية مش عارفين يعيشوا والمطلوب 20 عربية اسعاف منها 3 عربيات عناية مركزة لنقل الحوادث و2 عربية نقل دم و15 عربية عادية

اضافت حنان: ان اغلى سيارة فى المطلوب يصل ثمنها الى 275 الف جنيه
على الهاتف وفى اقل من نصف ساعة اعلن مشاهدو البرنامج عن التبرع ب24 سيارة اسعاف مجهزة للعناية المركزة بالاضافة الى ملايين الجنيهات والدولارات


رقم اتبرع الذى اعلنه عمرو اديب على حساب


خارج مصر 25015 وهناك كود ACBAEG288 25015 بنك بيريوس

مفاجأة فى القاهرة اليوم : الضابط المصرى الشهيد مات برصاصتين فى رقبته بدم بارد بعد ان افتى الشيوخ على منابر جوامع غزة بجواز قتل المصريين

فجر عمرو اديب مفاجـأة فى برنامج القاهرة اليوم عندما كشف عن طريقة قتل الضابط المصرى الشهيد ياسر الذى شيعت جنازته اليوم وسط الالاف من المصريين
قال عمرو :

الرائد ياسر مات على حدودنا فى رفح ، هو مات ازاى ؟
النهاردة طلعت الجنازة وسط اهله واصحابه وهو عنده 36 سنة ، الفلسطينيين ماتوا فى حرب لكن ياسر مات فى ايه ؟
الجنازة النهاردة كانت شئ رهيب جدا
( عرض لقطات ) زى مانتوا شايفين جحافل الناس اللى راحت تودعه وكلهم بيسالوا مين الى قتله ؟ الناس كلها ماشية بتضرب كف على كف ده راجل موجود فى مهمة سلمية
يعنى دى اخرتها ياحماس ، ضابط من الجيش المصرى اللى بيتضرب بيه المثل ومثال ورمز
ناس وستات مش مصدقة انه مات ومش عارفة السبب والزحمة كانت مانعة الناس انهم يدخلوا النعش ويصلوا صلاة الجنازة ، اوعوا تفتكروا ان كل الناس دول قرايبة دول شعب مصر اللى زعلى على ابنه اللى اتقتل غدر
الراجل ده عنده ولد وبنت لما يسالوا امهم قتلوه ليه ؟ هترد بايه ؟ شاب من اللى خدموا بدمهم البلد والى طلعوا ورا ياسر لا تنظيم ولا حزب ولا حاجة ، دى جنازة والله ما كنا نملك اكتر من كده
لو تعرفوا اللى حصل مش هتصدقوا وكتير كانوا بيحاولوا يقفلوا الحكاية
ياسر قتل بدم بارد ، اتقتل برصاصتين فى رقبته
اخواننا على الناحية التانية فى الجوامع قالولهم فى صلاة العيد ( وعندى الدليل) اقتلوا الضابط المسلم المصرى او القبطى لو اتعرض لك على الحدود ،ـ كل جوامع غزة قالت الكلام ده وقتلوه برصاصتين فى رقبته
قالت أمه : اتقوا الله ياحماس عمل لكم ايه ياسر ؟ اتحلت مشكلتكم بقتل ياسر ارتحتوا ؟ هو اللى قال لكم مش هتعدوا ، حبيبى وعمرى مات
علق عمرو : مازال رمل سيناء بيرويها الدم المصرى وباقول لحماس عمر قتلنا ما كان حلال ، واوعوا تقبلوا ده على نفسكم وباقول لاخواننا المصريين اهدوا دى اخطاء فردية ولازم نقف جنبهم ونكمل للاخر ، دول اللى عندهم القدس وعندهم الارض العربية اللى عايزين نحررها

مفاجأة فى القاهرة اليوم : الضابط المصرى الشهيد مات برصاصتين فى رقبته بدم بارد بعد ان افتى الشيوخ على منابر جوامع غزة بجواز قتل المصريين